Spini

Sipaluni chi mmì
tagghjì lu passu
ti gìru ntùndu,
ma lu stessu, non
trovu d'undi mi passu;
non'haju na rrùnca
cu mmià d'àppressu
sinnò ti minava e
ti finiva lu spàssu;
arretu mi tornu
haju stà vota e
pè mi fazzu na nova strata,
ma lu jornu ti cjangi,
chi di ccà ripassu;
portu la rrùnca, lu focu
e la fretta di oji a
la casa la dassu
e cu la carma e lu tempu
ti fazzu a capiri..
Chi puru a mmià
comu a ttià,
mi piaci lu spàssu..

(Carmelo Maesano)