Chjovi

P’i scinduti curri,
strati strati discurri.
C’u so gurru,
caminandu mi mburru.

Catugghja e tetti,
tamburìa e soletti.
Si senti na lagna,
carcunu si ncagna.

Nuddu joca a scilletta,
o a cefalè spetta.
O pur’e cciappi,
e nterra ti ntrappi.

Vacant’a cassalora,
e na castagna mundalòra.
I scarpi ch’i tacci,
sunavunu com’e pacci.

Sinnò a scazza,
e u friddu ti cazza.
Chjovi,
nuddu si smovi.

Na luc’i lumèra,
nti na stadda nasci e spera.
China i ricchizzi veri,
e ducizz’i cicculateri.

Chjovi chi billizza,
pi sta me terra na sarbizza.
I nui si dipendi,
s’a rassegnazioni ndi ffendi.

S’a matina mi ddunu,
diritti pi tutti non pi unu.
S’a matina cu mmia speri,
e non fujm’e duveri.

Chjovi,
a spiranza smovi.
I nui si dipendi,
cu grida ndi ffendi.

Orchisimia