Marinari

Rribba sensa barchi,
i rrocchi pi tavarchi.
Na para i foristrata,
misi a parata.

I marinari orfaneddi,
ma cu festi e zafareddi.
Si spirdìru,
ch’o mari pirdìru.

Sperti e i mani a sacchetta,
st’ura d’aria i spetta.
Spertu e lentu caminari,
non parrinu c’u mari.

Sensa novi pinsèri,
e sensa novi misteri.
E mari marinari,
cu i seppi giuvàri?

Sensa mari e sensa pisci,
u so tempu si ncrisci.
Ora i so raggiunati,
su scucchjati.

A giurma si llanduna,
stu temp’a mpistuna.
Cu vuliti mi si dduna,
i sta giurma sensa luna.

Si sentinu marinari,
sunnu sensa mari.
Sensa custardeddi,
restàru i zafareddi.