Na meilli

Na meilli mai scritta,

mi rrivau schjtta schitta.

I tanti frasi fitta,

sensa palòri nenti pitta.

Su chinu i primura,

mi leggiu sta scrittura.

Non viu l'ura,

sta meilli mi mpastura.

A japru sicuru,

chi sdirrupa o scuru.

Sensa rumuru,

non cadi nuddu muru.

Leggiu sensa palòri,

porti sensa stantalòri.

Sensa nchjostru i cori,

sunnu mundalòri.

I fissa restu,

sta meilli nu manifestu.

Leggiu non mi stancu,

u fogghju esti jancu.

Chi scrivi no capìa,

mancu a callagrafìa.

Non sacciu com'esti,

ch'i palòri si mbesti.

Dici cos'i nenti,

striscia i serpenti.

Forsi mmanca u falli,

u volu d'i farfalli.

Sta meilli mi sbilìu,

chi nuddu mai scrivìu.

Cu sapi chi vuliva,

carcosa ch'eu non sapiva.

Orchisimia

--

MNews.IT | Stadio Online, le notizie sportive | Giochi Gratis | Calabria 24Ore .IT | NewsOn24.IT

www.mnews.it - www.stadioonline.it - www.calshop.biz - www.calabria24ore.it - www.newson24.it